“Agro-Exchange” MCHJ Navoiy viloyati, Xatirchi tumani, “Ko‘ksaroy” MFY hududida joylashgan 115 gektar yer maydonida “Tomchilatib sug‘orish texnologiyasi”ni joriy etish bo‘yicha eng yaxshi takliflar tanlovini e’lon qiladi.

 

1. Tanlov ishtirokchilariga quyidagi talablar belgilanadi:

-Qarzdorlikning mavjud emasligi: Soliq va boshqa majburiy to‘lovlardan qarzdorligi mavjud bo‘lmasligi.

-Tashkil etilganlik muddati: Tashkil etilganligiga 6 oydan kam bo‘lmagan bo‘lishi.

-Ijrochilar reyestri: Insofsiz ijrochilarning yagona reyestrida mavjud bo‘lmasligi.

-Buyurtmachi va tanlovda qatnashayotgan boshqa ishtirokchilar bilan affillangan bo‘lmasligi;

-“Tomchi-reyestr” yagona elektron reyestriga kiritilgan bo‘lishi shart.

2. Uskuna va jihozlarga qo‘yiladigan texnik talablar:

Loyiha doirasida mevali bog‘lar va ixota daraxtlarini sug‘orish uchun quyidagi ko‘rsatkichlarga ega uskunalar o‘rnatilishi lozim:

-Nasos agregati: 230m3 H=90m kam bo‘lmasligi;

-Filtrlash tizimi: Quvvati 2400 m3/h bo‘lgan avtomatik qumli filtrlash tizimi, qo‘shimcha nazorat setkali filtri va gidravlik bosimni tartibga soluvchi klapan bilan;

-Quvurlar: Diametri 40 mm dan 250 mm gacha bo‘lgan, loyiha talabiga ko‘ra PN6, PN8 va PN10 atmosfera bosimiga chidamli polietilen quvurlar;

-Tomchilatib sug‘orish shlanglari: Devor qalinligi 1 mm dan kam bo‘lmagan, bosimni rostlovchi (PC) moslamali, diametri 16 mm yoki 20 mm, tomchilatgichlar oralig‘i 50 sm, suv sarfi 1,0 – 2,0 l/soat bo‘lgan qalin devorli shlanglar;

-O‘g‘itlash tizimi: Kamida 3 ta kanalli (A, B, C) dozator va shaxsiy nasos agregatiga ega bo‘lishi lozim;

-Boshqaruv tizimi: Tizim to‘liq zamonaviy masofaviy Radio-boshqaruv bilan jihozlangan bo‘lishi shart.

3. To‘lov shartlari:

Shartnoma imzolangandan so‘ng 5 bank ish kuni ichida kamida 30% oldindan to‘lov;

Qolgan qismi bajarilgan ishlar dalolatnomasi va hisobvaraq-faktura rasmiylashtirilganidan so‘ng 5 bank ish kuni ichida to‘lab beriladi.

Barcha manfaatdor tashkilotlardan o‘z tijorat takliflarini 100007, Toshkent sh., Bobur ko‘chasi 77-uy manziliga yoki zakupki@rtsb.uz va e.sodiqov@rtsb.uz elektron pochta manziliga jo‘natishlarini so‘raymiz.

Loyiha tog‘li va qiyalik hududda amalga oshirilishi munosabati bilan hudud koordinatlari hamda batafsil maʼlumot olish uchun quyidagi telefonlarga murojaat qilishingiz mumkin:

Tashkiliy masalalar bo‘yicha: (+99871) 207-00-33 (ichki raqam 1040 M.Muxamedov va 1402 E.Sodiqov).