“Agro Exchange” MCHJ Jizzax viloyati, Baxmal tumanidagi 100 gektar bog‘ maydonida ishchi-xodimlar uchun yashash majmuasini barpo etish, xususan, konteynerlarni yashash sharoitiga moslashtirish, naves va qo‘shimcha inshootlar qurish ishlarini amalga oshirish bo‘yicha eng yaxshi takliflar tanlovini e’lon qiladi.

1. Tanlov ishtirokchilariga qo‘yiladigan talablar:

Soliq va boshqa majburiy to‘lovlardan muddati o‘tgan qarzdorligi bo‘lmasligi lozim.

Korxona tashkil etilganiga kamida 6 oy bo‘lgan bo‘lishi shart.

Insofsiz ijrochilarning yagona reyestrida mavjud bo‘lmasligi kerak.

Buyurtmachi yoki tanlovning boshqa ishtirokchilari bilan o‘zaro bog‘liq (affillangan) bo‘lmasligi lozim.

2. Ishtirok etish shartlari:

Tanlovda mahalliy va xorijiy korxonalar ishtirok etishi mumkin.

3. Texnik topshiriq va amalga oshiriladigan ishlar:

Barcha ishlar taqdim etilgan hudud bosh rejasi (chizmasi) amalga oshirilishi shart.

Maxsus temir konstruksiyali konteynerlarni (2 dona 6 metrlik konteynerni yashash uchun va 1 dona konteynerni ombor uchun) moslashtirish: konteynerlarni issiqlik izolyatsiyasi qilish, ichki qismini ta'mirlash, yotoq joylarini tayyorlash hamda kerakli jihozlar (Qo‘qon pechkasi, gaz plitasi va boshqalar) va mebellarni joylashtirish. Ombor uchun mo‘ljallangan konteyner ustida hududni nazorat qilish (tashqaridan tomga chiqish uchun zina qilish) maqsadida terrasa quriladi, tom qismidagi naves (soyabon) esa faqat hovli tomoniga qilinadi. Shuningdek, maxsus temir konstruksiyali konteynerlarning tag qismiga beton quyilib, ular yerdan 0,30-0,60 metr balandlikka ko‘tarilishi zarur.

Oshxona uchun zarur mebellar, ovqat tayyorlash anjomlari hamda maishiy texnikalarni (mikroto‘lqinli pech, muzlatgich, 5 litrli elektr termos va boshqalar) o‘rnatish. Yuvinish xonasini esa zarur santexnika jihozlari (suv aralashtirgich, dush va boshqalar) bilan to‘liq ta’minlash.

Kanalizatsiya tizimi va ichimlik suvi tarmog‘ini montaj qilish. 2-4 tonna sig'imga ega maxsus ichimlik suvi zaxirasi idishini o‘rnatish hamda suvni motor (nasos) yordamida haydash tizimini yo'lga qo'yish

Asosiy yashash joyidan xavfsiz va sanitar masofada hojatxona (chuquri bilan) qazish va qurish. Chiqindilar uchun maxsus joy (musor yig'ish nuqtasi) tashkil etish.

Yongʻin xavfsizligi qoidalari asosida yong'inga qarshi qalqonlar (pojar shiti) o'rnatish. Belgilangan hududda zaruriy (Trotuar uchun beton to‘shama) beton quyish ishlarini amalga oshirish.

4. Hujjatlashtirish va shartnoma talablari (Tushunmovchiliklarning oldini olish maqsadida):

Ishlarni boshlashdan oldin pudratchi mutaxassislari ob'ektga chiqqan holda, buyurtmachi bilan birgalikda holatni o'rganib Defekt dalolatnomasini (Defektniy akt) tuzishi va tasdiqlashi shart.

Tuziladigan shartnoma ilovasida montaj qilinadigan barcha jihozlar, materiallar va uskunalar ro'yxati (ularning aniq nomi, rusumi va soni) batafsil ko‘rsatilishi shart.

Bajariladigan ishlarning bosqichma-bosqich to‘liq ro‘yxati shartnomada o'z aksini topishi lozim.

5. To‘lov shartlari:

Oldindan to‘lov: Shartnoma imzolangan kundan boshlab 10 bank ish kuni ichida umumiy summaning 50% miqdorida oldindan to‘lov amalga oshiriladi.

Yakuniy hisob-kitob: Yakuniy hisob-kitob: Qolgan 50% to‘lov bajarilgan ishlar hajmiga mutanosib ravishda, taqdim etilgan hisob-fakturaga asosan amalga oshiriladi.

6. Takliflarni yuborish va bogʻlanish:

Barcha manfaatdor tashkilotlardan o‘z tijorat takliflarini 100007, Toshkent sh., Bobur ko‘chasi 77-uy manziliga yoki zakupki@rtsb.uz va e.sodiqov@rtsb.uz elektron pochta manzillariga jo‘natishlarini so‘raymiz.

Tashkiliy masalalar bo‘yicha murojaat uchun telefonlar: (+998 71) 207-00-33 (ichki raqam 1402 E.Sodiqov).