“AGRO EXCHANGE” MCHJ Jizzax viloyati, Baxmal tumani, “Muzbuloq” MFY hududidagi 100 gektar intensiv bog‘ning 78.1 gektar qismiga magistral suv uzatish quvuri tarmog‘ini qurish uchun chuqurligi 0,8 metr va eni 0,6 metr o‘lchamdagi transheya qazish va ko‘mish ishlarini bajarish bo‘yicha eng yaxshi takliflarni tanlash yuzasidan tanlov e’lon qiladi.

1. Tanlov ishtirokchilariga qo‘yiladigan talablar

Tanlovda ishtirok etuvchi talabgorlar quyidagi talablarga javob berishi lozim:

• Korxona davlat ro‘yxatidan o‘tkazilganiga kamida 6 oy bo‘lgan bo‘lishi;
• Soliqlar va boshqa majburiy to‘lovlar bo‘yicha muddati o‘tgan qarzdorligi mavjud bo‘lmasligi;
• buyurtmachi yoki tanlovning boshqa ishtirokchilari bilan o‘zaro bog‘liq (affillangan) bo‘lmasligi;
• geomembrana va geotekstil materiallarini yotqizish hamda montaj qilish bo‘yicha amaliy tajribaga ega bo‘lishi;

2. Montaj ishlariga qo‘yiladigan talablar

Transheya qazish va ko‘mish materiallarini yotqizish hamda montaj qilish ishlari belgilangan texnologik ketma-ketlik asosida amalga oshirilishi lozim.

Aniqlangan nuqson va kamchiliklar ijrochi tomonidan o‘z hisobidan bartaraf etiladi.

3. Ishlarni bajarish va qabul qilish tartibi

Transheya qazish va ko‘mish ishlari Jizzax viloyati, Baxmal tumani, “Muzbuloq” MFY hududida joylashgan 2 ta suv yig‘ish havzasida amalga oshiriladi.

Bajarilgan ishlar buyurtmachi vakillari tomonidan ko‘zdan kechiriladi. Transheya qazish va ko‘mish, sifati va umumiy holati tegishli talablarga muvofiq bo‘lganidan so‘ng ishlar belgilangan tartibda qabul qilinadi.

Sifatsiz bajarilgan yoki belgilangan talablarga javob bermaydigan ishlar qabul qilinmaydi hamda ijrochi tomonidan kamchiliklar bartaraf etilgandan keyin qayta qabul qilinadi.

4. To‘lov shartlari

Oldindan to‘lov: Pudrat shartnomasi imzolangan kundan boshlab 5 bank ish kuni ichida umumiy summaning 30% miqdorida.

Yakuniy hisob-kitob: Qolgan 70% mablag‘ tomonlar o‘rtasida xizmatlar to‘liq va lozim darajada bajarilganligini tasdiqlovchi bajarilgan ishlar to‘g‘risidagi dalolatnoma rasmiylashtirilib, ikki tomonlama imzolangan kundan boshlab 5 bank kun ichida to‘lab beriladi.

5. Tijorat takliflarini taqdim etish

Barcha manfaatdor tashkilotlar o‘z tijorat takliflarini belgilangan muddatda quyidagi manzillardan biri orqali taqdim etishlari mumkin:

Manzil:
100007, Toshkent shahri, Bobur ko‘chasi, 77-uy.

Elektron pochta manzillari:
zakupki@rtsb.uz
e.sodiqov@rtsb.uz

Loyiha tog‘li va qiyalik hududda amalga oshirilishi munosabati bilan hudud koordinatalari, loyiha shartlari va boshqa batafsil ma’lumotlarni olish uchun quyidagi telefon raqamiga murojaat qilishingiz mumkin:

Tashkiliy masalalar bo‘yicha:
(+998 71) 207-00-33