“AGRO EXCHANGE” MCHJ Jizzax viloyati, Baxmal tumani, “Muzbuloq” MFY hududidagi 100 gektar intensiv bog‘ning 78,1 gektar maydonida shpaler tizimini barpo etish uchun zarur bo‘lgan beton qorishmasini xarid qilish maqsadida eng yaxshi takliflarni tanlash bo‘yicha tanlov e’lon qiladi.

1. Xarid predmeti

Shpaler tizimini barpo etish jarayonida konstruksiya elementlarini betonlash va ularning mustahkamligini ta’minlash uchun:

M-200 markali beton qorishmasi —  108 m³.

Yetkazib beriladigan beton qorishmasi belgilangan marka va sifat talablariga to‘liq javob berishi, foydalanish uchun yaroqli holatda bo‘lishi hamda buyurtmachi tomonidan belgilangan manzilga o‘z vaqtida yetkazib berilishi lozim.

Beton qorishmasining sifati va texnik ko‘rsatkichlari tegishli standart hamda me’yoriy talablarni qanoatlantirishi shart.

2. Tanlov ishtirokchilariga qo‘yiladigan talablar

Tanlovda ishtirok etuvchi talabgorlar quyidagi talablarga javob berishi lozim:

• korxona davlat ro‘yxatidan o‘tkazilganiga kamida 6 oy bo‘lgan bo‘lishi;

• soliqlar va boshqa majburiy to‘lovlar bo‘yicha muddati o‘tgan qarzdorligi mavjud bo‘lmasligi;

• insofsiz ijrochilarning yagona reyestriga kiritilmagan bo‘lishi;

• buyurtmachi yoki tanlovning boshqa ishtirokchilari bilan o‘zaro bog‘liq (affillangan) bo‘lmasligi;

• mahsulotni talab etilgan hajm va muddatlarda yetkazib berish uchun zarur ishlab chiqarish, transport va tashkiliy imkoniyatlarga ega bo‘lishi.

Tanlovda o‘z faoliyatini qonuniy asosda amalga oshirayotgan barcha mahalliy va xorijiy korxonalar ishtirok etishi mumkin.

3. Yetkazib berish shartlari

Beton qorishmasi Jizzax viloyati, Baxmal tumani, “Muzbuloq” MFY hududidagi obyektga buyurtmachining talabnomasi asosida kelishilgan hajm va muddatlarda yetkazib beriladi.

Yetkazib beruvchi beton qorishmasining sifati, belgilangan markaga muvofiqligi hamda obyektga yetkazib berish jarayonida uning zarur xususiyatlari saqlanishini ta’minlashi lozim.

Talab etilgan sifat ko‘rsatkichlariga javob bermaydigan beton qorishmasi buyurtmachi tomonidan qabul qilinmaydi.

4. To‘lov shartlari

Shartnoma imzolangandan so‘ng to‘lovlar tomonlar o‘rtasida kelishilgan va shartnomada belgilangan shartlar asosida amalga oshiriladi.

Oldindan to‘lov nazarda tutilgan taqdirda, u shartnoma imzolangan kundan boshlab 10 bank kuni ichida, tomonlarning kelishuviga muvofiq amalga oshiriladi.

Yakuniy hisob-kitob beton qorishmasi shartnoma shartlariga muvofiq to‘liq va sifatli yetkazib berilib, tegishli qabul qilish hujjatlari rasmiylashtirilganidan so‘ng amalga oshiriladi.

5. Takliflarni baholash mezonlari

Takliflarni baholashda quyidagi mezonlar inobatga olinadi:

• beton qorishmasining belgilangan M-200 markasiga muvofiqligi;

• mahsulot sifati;

• taklif etilgan narx;

• yetkazib berish qiymati;

• yetkazib berish muddati va imkoniyati;

• to‘lov shartlari;

• yetkazib beruvchining ishonchliligi va shartnoma majburiyatlarini bajarish imkoniyati.

Buyurtmachi uchun texnik va iqtisodiy jihatdan eng maqbul bo‘lgan taklif tanlov g‘olibi deb topiladi.

6. Tijorat takliflarini taqdim etish

Barcha manfaatdor tashkilotlardan o‘z tijorat takliflarini quyidagi manzillardan biriga taqdim etishlari so‘raladi:

Manzil: 100007, Toshkent shahri, Bobur ko‘chasi, 77-uy.

Elektron pochta: zakupki@rtsb.uz yoki e.sodiqov@rtsb.uz

Murojaat uchun:
 Elyor Sodiqov 71 207 00 33 (+1402).