"AGRO EXCHANGE" MCHJ Jizzax viloyati, Baxmal tumani, "Muzbuloq" MFY hududidagi 100 gektar intensiv bog‘ning 78,1 gektar maydonida ishlayotgan ishchi xodimlarning ehtiyojlari uchun zarur bo‘lgan metall konstruksiyalardan qurilgan mobil bino xarid qilish maqsadida eng yaxshi takliflarni tanlash bo‘yicha tanlov e’lon qiladi

1. Xarid predmeti

Metall konstruksiyalardan qurilgan mobil bino yetkazib berish:

1.  Metall konstruksiyalardan qurilgan mobil bino (uzunligi 12 metr eni 2,45 metr, balandligi 2,90) Devor isitkichi  minvata, 50 mm Knauf — 2 dona;

Yetkazib beriladigan barcha mahsulotlar yangi, avval foydalanilmagan, sifatli, but va nuqsonsiz hamda belgilangan maqsadda foydalanish uchun to‘liq yaroqli bo‘lishi shart.

Mahsulotlarning o‘lchamlari, texnik ko‘rsatkichlari, rux qoplamasining sifati va mustahkamlik darajasi buyurtmachi tomonidan belgilangan talablarga javob berishi lozim. Bolt, gayka va shaybalar o‘zaro to‘liq mos kelishi shart.

2. Tanlov ishtirokchilariga qo‘yiladigan talablar

Tanlovda ishtirok etuvchi talabgorlar quyidagi talablarga javob berishi lozim:

• O‘zbekiston Respublikasi qonunchiligida belgilangan tartibda ro‘yxatdan o‘tgan va o‘z faoliyatini qonuniy asosda amalga oshirayotgan bo‘lishi;
• korxona davlat ro‘yxatidan o‘tkazilganiga kamida 6 oy bo‘lgan bo‘lishi;
• soliqlar va boshqa majburiy to‘lovlar bo‘yicha muddati o‘tgan qarzdorligi mavjud bo‘lmasligi;
• insofsiz ijrochilarning yagona reyestriga kiritilmagan bo‘lishi;
• buyurtmachi yoki tanlovning boshqa ishtirokchilari bilan manfaatlar to‘qnashuviga olib keluvchi o‘zaro bog‘liq (affillangan) munosabatlarda bo‘lmasligi;
• shartnoma bo‘yicha o‘z zimmasiga oladigan majburiyatlarni belgilangan muddat va talablar asosida bajarish imkoniyatiga ega bo‘lishi.

Tanlovda belgilangan talablarga javob beruvchi mahalliy va xorijiy korxonalar ishtirok etishi mumkin.

3. Yetkazib berish shartlari

G‘olib deb topilgan yetkazib beruvchi mahsulotlarni shartnomada belgilangan muddatlarda, to‘liq hajmda va talab etilgan sifatda tayyorlab berishi shart.

Mahsulotlarni qabul qilish jarayonida ularning miqdori, butligi, tashqi holati, o‘lchamlari, rux qoplamasining sifati hamda texnik talablarga muvofiqligi buyurtmachi tomonidan tekshiriladi.

Talablarga javob bermaydigan, nuqsonli, zanglagan yoki buyurtmada belgilangan texnik ko‘rsatkichlarga mos kelmaydigan mahsulotlar qabul qilinmaydi.

4. To‘lov shartlari

Shartnoma imzolangandan so‘ng to‘lovlar tomonlar o‘rtasida kelishilgan va shartnomada belgilangan shartlar asosida amalga oshiriladi.

Oldindan to‘lov nazarda tutilgan taqdirda, u shartnomada ko’rsatilgan muddat  ichida, tomonlarning kelishuviga muvofiq amalga oshiriladi.

Yakuniy hisob-kitob mahsulotlar shartnoma shartlariga muvofiq to‘liq va sifatli yetkazib berilganidan hamda tegishli qabul qilish hujjatlari rasmiylashtirilganidan so‘ng amalga oshiriladi.

5. Takliflarni baholash mezonlari

Tijorat takliflarini baholashda quyidagi asosiy mezonlar inobatga olinadi:

• taklif etilayotgan mahsulotlarning texnik talablarga muvofiqligi;
• mahsulotlarning sifati va mustahkamligi;
• rux qoplamasining sifati;
• taklif etilgan narxning maqbulligi;
• to‘lov shartlarining maqbulligi;
• ishtirokchining shartnoma majburiyatlarini o‘z vaqtida va sifatli bajarish imkoniyati.

Buyurtmachi uchun iqtisodiy va texnik jihatdan eng maqbul bo‘lgan taklif tanlov g‘olibi deb topiladi.

6. Tijorat takliflarini taqdim etish

Barcha manfaatdor tashkilotlar o‘z tijorat takliflarini belgilangan muddatda quyidagi manzillardan biri orqali taqdim etishlari mumkin:

Manzil: 100007, Toshkent shahri, Bobur ko‘chasi, 77-uy.
Elektron pochta: zakupki@rtsb.uz yoki e.sodiqov@rtsb.uz

Murojaat uchun: Elyor Sodiqov — 71 207 00 33 (+1402).