“AGRO EXCHANGE” MCHJ Jizzax viloyati, Baxmal tumani, “Muzbuloq” MFY hududida joylashgan 100 gektar yer maydonida barpo etiladigan intensiv olma bog‘i uchun tomchilatib sug‘orish tizimi (TST) uskunalari va jihozlarini yetkazib berish, o‘rnatish, montaj qilish hamda tizimni to‘liq ishga tushirish bo‘yicha eng yaxshi takliflar tanlovini e’lon qiladi.

1. Tanlov ishtirokchilariga qo‘yiladigan talablar

Tanlovda ishtirok etuvchi tashkilotlar quyidagi talablarga javob berishi lozim:

• soliq va boshqa majburiy to‘lovlardan qarzdorligi mavjud bo‘lmasligi;
• tashkil etilganiga kamida 6 oy bo‘lgan bo‘lishi;
• Insofsiz ijrochilarning yagona reyestriga kiritilmagan bo‘lishi;
• “Tomchi-reestr” yagona elektron reyestriga kiritilgan bo‘lishi.

2. Uskuna va jihozlarga qo‘yiladigan texnik talablar

Loyiha doirasida 60 gektar va 40 gektar yer maydonlari uchun alohida tomchilatib sug‘orish tizimlari tashkil etilishi nazarda tutiladi.

Intensiv olma bog‘ida tomchilatib sug‘orish tizimini tashkil etish uchun yetkazib beriladigan va o‘rnatiladigan uskuna hamda jihozlar quyidagi texnik talablarga javob berishi lozim:

60 gektar maydon uchun:

• unumdorligi kamida 120 m³/soat, bosimi H = 55 metrdan kam bo‘lmagan markazdan qochma nasos;
• unumdorligi 120 m³/soat bo‘lgan avtomatik qumli filtrlash tizimi;
• qo‘shimcha nazorat setkali filtri;
• bosimni rostlovchi gidravlik klapan.

40 gektar maydon uchun:

• unumdorligi kamida 70 m³/soat, bosimi H = 80 metrdan kam bo‘lmagan markazdan qochma nasos;
• unumdorligi 70 m³/soat bo‘lgan avtomatik qumli filtrlash tizimi;
• qo‘shimcha nazorat setkali filtri;
• bosimni rostlovchi gidravlik klapan.

Polietilen quvurlar

• quvurlar diametri loyiha talablariga muvofiq 40 mm dan 200 mm gacha bo‘lishi;
• PE polietilen quvurlar PN6, PN8 va PN10 bosim sinflariga mos va tegishli ish bosimiga chidamli bo‘lishi lozim.

Tomchilatib sug‘orish shlanglari

• bosimni rostlovchi — PC kompensatorli bo‘lishi;
• diametri 16 mm yoki 20 mm bo‘lishi;
• tomizgichlar oralig‘i 50 sm bo‘lishi;
• har bir tomizgichning suv sarfi 1,0–2,0 litr/soat oralig‘ida bo‘lishi;
• intensiv bog‘larda foydalanishga mo‘ljallangan qalin devorli shlanglardan foydalanilishi lozim.

Avtomatik o‘g‘itlash mashinasi — dozator

• kamida 3 ta A, B va C kanalga ega bo‘lishi;
• o‘zining alohida nasosiga ega bo‘lishi;
• o‘g‘itlarni belgilangan miqdorda avtomatik ravishda yetkazib berish imkoniyatiga ega bo‘lishi lozim.

Boshqaruv tizimi

• tomchilatib sug‘orish tizimi to‘liq avtomatlashtirilgan bo‘lishi;
• tizim masofadan turib radioaloqa orqali boshqarish imkoniyatiga ega bo‘lishi lozim.

3. To‘lov shartlari

To‘lovlar quyidagi tartibda amalga oshiriladi:

• shartnoma har ikki Tomon tomonidan imzolangandan keyin 5 ish kuni ichida shartnoma qiymatining 30 foizi miqdorida avans to‘lovi amalga oshiriladi;
• shartnoma qiymatining keyingi 35 foizi avans to‘lovi olingan sanadan boshlab, yuk jo‘natilishidan oldingi 3 oy davomida, har 30 kalendar kunda teng ulushlarda to‘lanadi;
• qolgan 35 foiz uchun 3 oylik bank kafolati rasmiylashtiriladi va bank kafolati ochilgan sanadan boshlab 3 oy davomida, har 30 kalendar kunda teng ulushlarda to‘lov amalga oshiriladi.

4. Tijorat takliflarini taqdim etish tartibi

Barcha manfaatdor tashkilotlardan o‘z tijorat takliflarini quyidagi manzil yoki elektron pochta manzillariga yuborishlari so‘raladi:

Manzil:
100007, Toshkent shahri, Bobur ko‘chasi, 77-uy.

Elektron pochta manzillari:
zakupki@rtsb.uz
e.sodiqov@rtsb.uz

Loyiha tog‘li va qiyalik hududda amalga oshirilishi munosabati bilan hudud koordinatalari, loyiha shartlari va boshqa batafsil ma’lumotlarni olish uchun quyidagi telefon raqamiga murojaat qilishingiz mumkin:

Tashkiliy masalalar bo‘yicha:
(+998 71) 207-00-33

Ichki raqamlar:

Murojaat uchun:
•To’raboyev Mohir 71 207 00 33 (+1138);
• Elyor Sodiqov 71 207 00 33 (+1402).