“AGRO EXCHANGE” MCHJ Qashqadaryo viloyati Shahrisabz tumani Uloch MFY hududida intensiv bog‘ tashkil qilish maqsadida Olma, Gilos va Shaftoli ko‘chatlarini alohida Lotlar asosida ekish bo‘yicha eng yaxshi takliflar tanlovini e’lon qiladi.  

 

Izoh: Ekish hududlarining releflari (terassa va tekislik) farqliligini inobatga olib, ishtirokchilar bir yoki bir nechta Lot bo‘yicha taklif kiritishlari mumkin. Har bir Lot bo‘yicha alohida shartnoma rasmiylashtirilishi ko‘zda tutilgan.

 

1. Tanlov ishtirokchilariga quyidagi talablar belgilanadi:

soliq va boshqa majburiy to‘lovlardan qarzdorligi mavjud emasligi;

tashkil etilganligiga 6 oydan kam bo‘lmaganligi;

insofsiz ijrochilarning yagona reyestrida mavjud emasligi;

2. Ekish uchun mo‘ljallangan ko‘chatlar soni (Lotlar bo‘yicha)::

 

Meva turi	Ko‘chat soni	Taxminiy relef turi	Lot Raqami
Olma	14 550 ta	Terassa shaklidagi releflar	Lot №1 (Olma ekish)
Gilos	10 300 ta	Terassa shaklidagi releflar	Lot №2 (Gilos ekish)
Shaftoli	19 000 ta	Tekislikdagi releflar	Lot №3 (Shaftoli ekish)
JAMI	43 640 ta

 

2. Ekish tartibi va majburiyatlar:

Tanlov g‘oliblari quyidagi ishlarni bajarishi lozim:

2.1.Ko‘chat ekish joylarini belgilash;

2.2.Ko‘chat ekish uchun chuqurchalarni qazish (ildizlarni to‘liq joylashishini va payvandtaglarning ko‘milmasligini ta’minlash);

2.3.Ekishdan oldin tuproqqa agronom ko‘rsatmasiga muvofiq organik o‘g‘it aralashtirish;

2.4.Ko‘chatlarni shikastlantirmasdan nav va changlatuvchilarga e’tibor berib, qatorlarni tekis qilib ekish;

2.5.Ildizlarga tashlangan tuproqlar suvni shimgandan so‘ng qayta tuproq tashlab mahkamlash;

2.6.Ko‘chatlarni agronom ko‘rsatmasiga muvofiq kesish;

2.7.Ekish uchun yetkazib berilgan ko’chatlarni Buyurtmachidan belgilangan tartibda qabul qilib olish;

2.8.Har bir Lot (meva turi) bo‘yicha belgilangan joylarda yuqoridagi ishlarni to‘liq hajmda va sifatli bajarish.

4. To‘lov shartlari: shartnoma imzolangandan keyin 5 bank kuni ichida kamida  50% oldindan to‘lov, to‘lovning qolgan qismi hisobvaraq-faktura rasmiylashtirilgandan so‘ng 5 bank kuni ichida amalga oshiriladi.

Barcha manfaatdor tashkilotlardan o‘z tijorat takliflarini 100007, Toshkent sh., Bobur ko‘chasi 77-uy manziliga yoki zakupki@rtsb.uz va e.sodiqov@rtsb.uz elektron pochta manziliga jo‘natishlarini so‘raymiz.

 

Loyiha tog‘li va qiyalik hududda amalga oshirilishi munosabati bilan hudud koordinatlari hamda batafsil maʼlumot olish uchun quyidagi telefonlarga murojaat qilishingiz mumkin:

Tashkiliy masalalar bo‘yicha: (+99871) 207-00-33 (ichki raqam 1040 M.Muxamedov va 1402 E.Sodiqov).