O'zbek
Ўзбек
Русский
English
Hududlarda davlat xaridlari bo‘yicha seminarlar o‘tkazilmoqda
Joriy yil fevral oyida O‘zbekiston respublika tovar-xom ashyo birjasining xududiy filiallari xodimlari tomonidan respublikaning barcha xududlarida elektron davlat xaridlari tizimini takomillashtirish yuzasidan yirik davlat buyurtmachilari bilan uchrashuvlar o‘tkazilmoqda.
Mazkur tadbirlarni o‘tkazishdan ko‘zlangan asosiy maqsad elektron davlat xaridlari tizimining samaradorligini oshirish va savdolarda davlat buyurtmachilarining ishtirokini qo‘llab-quvvatlashdan iboratdir.
Navbatdagi uchrashuvlar hududlardagi yirik davlat buyurtmachilari, shu jumladan Xorazm viloyatining “Bog‘ot don” AJ, “Shovot don maxsulotlari” AJ, “Urganchtransgaz” UK, Buxoro viloyatining “Buxoro hududiy elektr tarmoqlari” AJ, “Agrobank” ATB Buxoro filiali, “Buxoro yo‘llardan muntazam foydalanish” DK, “Buxoro lokomotiv Deposi” AJ, “Buxorodonmahsulot” AJ, Andijon viloyatining “Andijon Avtotexxizmat” MCHJ, “Uz Tong Hong” QK, “Uz Hanwoo” MCHJ QK, “Andijondonmahsulot” AJ, Qoraqalpog‘iston Respublikasining Taxiatosh tumanidagi “Mostotryad-14” tashkiloti, Namangan viloyati IIB YHXB, “Namanganyo‘lkuklam” UK lar bilan amaliy seminarlar tariqasida o‘tkazildi.
Shu bilan birga, elektron davlat xaridlari sohasida kiritilgan so‘nggi o‘zgarishlar va yangiliklar hamda buyurtmachi va yetkazib beruvchilar uchun yaratilgan qo‘shimcha qulayliklari bo‘yicha alohida taqdimotlar o‘tkazildi.
Tadbirlar davomida O‘zbekiston respublika tovar-xom ashyo birjasining davlat xaridlari bo‘yicha elektron savdo tizimlarida ishtirok etish yuzasidan tashkilotlar vakillarining fikr va mulohazalari qabul qilindi.
Shu jumladan, elektron davlat xaridlarining savdo tizimlarida tuzilgan shartnomalar doirasida tomonlarning ma’suliyatlarini oshirish hamda buyurtmachi va yetkazib beruvchilarning onlayn savdolarda ishtirok etishni soddalashtirish bo‘yicha takliflar berildi.
Uchrashuvlar doirasida buyurtmachi tashkilotlarning xodimlari elektron davlat xaridlariga doir o‘zlarining qiziqtirgan barcha savollariga javob oldilar.
Manbaa: "O'zRTXB" AJ PR bo'limi