2023-yil boshidan buyon O‘zbekiston respublika tovar-xom ashyo birjasining davlat xaridlari bo‘yicha xarid.uzex.uz elektron savdo tizimida jami 6,6 trln so‘mlik 163 mingdan ziyod bitimlar tuzildi. Tuzilgan bitimlarning hajmi 2022-yilning mos davriga nisbatan 1,4 marotabaga o‘sdi.

Davlat xaridlari bo‘yicha o‘tkazilgan elektron savdolar natijasida byudjet va korporativ buyurtmachilarining mablag‘larini tejalishi 2022-yilga nisbatan 1,3 marotabaga o‘sib, 1,1 trln so‘mni tashkil qildi.

Shuningdek, elektron davlat xaridlarida 11 mingdan ziyod mahalliy tadbirkorlik subyektlari va 104 ta nozeridentlar ishtirok etdi.

O‘tkazilgan elektron davlat xaridlarining 20 foizi byudjet buyurtmachilari, 80 foizi korporativ buyurtmachilarining ulushlariga to‘g‘ri kelgan.

Hududlar kesimida eng yirik bitimlar Toshkent shahri va Toshkent viloyati (71 foiz), Andijon (5 foiz), Navoiy (4 foiz) hamda Qashqadaryo va Buxoro (3 foiz) viloyatlarida tuzilgan.

Manbaa: "O'zRTXB" AJ PR bo'limi