Davlat xaridlari bo‘yicha davra suhbati o‘tkazildi
2022-yil 6-dekabrda Toshkent shahar hokimligida O‘zbekiston Respublikasi Oliy Majlisi Senatining 35-yalpi majlisida davlat xaridlari bo‘yicha ko‘tarilgan masalalar yuzasidan davra suhbati o‘tkazildi.
Davra suhbatida senator, xalq deputatlari Toshkent shahar Kengashi deputati Sagdullayev Shomansur Shaxsaidovich, xalq deputatlari, tuman Kotibiyat mudirlari va Mahalliy budjet, iqtisodiy islohotlarni amalga oshirish, investitsiya va tadbirkorlikni rivojlantirish masalalari bo‘yicha doimiy komissiya raislari ishtirok etishdi.
Tadbir davomida davlat xaridlari bo‘yicha amalga oshirilayotgan islohotlar hamda davlat xaridlari elektron tizimining ishlash tartibi, hududlardagi davlat buyurtmachilari va ular tomonidan amalga oshirilgan davlat xaridlarini tahlili, mavjud kamchilik va muammolar, ularning yechimiga doir masalalar muhokama qilindi.
Shuningdek, tadbirda “O‘zbekiston respublika tovar xom-ashyo birjasi” AJ mas’ul xodimlari ham ishtirok etib, davlat xaridlari tizimida kiritilgan o‘zgarishlar va yangiliklar hamda buyurtmachi va yetkazib beruvchilar uchun yaratilgan qo‘shimcha qulayliklar batafsil tushuntirib berildi.
Davra suhbati yakunida ishtirokchilar o‘zlarini qiziqtirgan savollarga javob olishdi. Barcha fikr-mulohazalar va takliflar inobatga olinib, bu sohadagi hamkorlikni yanada rivojlantirishga kelishib olindi.
Manbaa: "O'zRTXB" AJ PR bo'limi