Joriy yil 15-dekabr kuni “O‘zbekiston respublika tovar-xom ashyo birjasi” AJ binosida seysmik xavfsizligini ta’minlashga bag‘ishlangan davra suhbati o‘tkazildi.

Davra suhbati O‘zbekiston Respublikasi Prezidentining “O‘zbekiston Respublikasining seysmik xavfsizligini ta’minlash tizimini yanada takomillashtirish chora-tadbirlari to‘g‘risida”gi 2022-yil 30-maydagi PF-144-son Farmonining ijrosini ta’minlash doirasida o‘tkazildi.

Tadbirda O‘zbekiston Respublikasi Fuqaro muxofazasi instituti o‘qituvchisi Odiljon Rajabov va O‘zbekiston respublika tovar-xom ashyo birjasining xodimlari ishtirok etdilar.

Davra suhbati davomida Odiljon Rajabov zilzila va uning oqibatlariga bag‘ishlangan taqdimot o‘tkazdi.

Taqdimotda zilzila haqida tushunchalar, uning turlari, kelib chiqish sabablari hamda zilzila vaqtida qilinishi zarur tadbirlar to‘g‘risida batafsil ma’lumotlar berildi.

Xususan, birja xodimlariga zilzila vaqtida xodimlarni xarakatlari, evakuatsiya tadbirlari, shu jumladan birja binosidagi evakuatsiya rejasi va asosiy tark etish yo‘nalishlari tushuntirildi.

Ta’kidlanganidek, zilziladan saqlanishning oddiy usullarini bilish kishiga o‘zi va yaqinlarining hayotini favqulodda vaziyatda saqlab qolish, moddiy zararni kamaytirish imkoniyatini beradi.

Davra suhbati ishtirokchilari o‘zlarini qiziqtirgan savollarga batafsil javob oldi.

Manbaa: "O'zRTXB" AJ PR bo'limi