UZEX haftalik dayjesti (05 – 11-dekabr)
O‘tgan hafta davomida, ya’ni 05 – 11-dekabr kunlari “O‘zbekiston respublika tovar-xom ashyo birjasi” AJning barcha savdo platformalarida 2 071,5 mlrd so‘mlik tovarlar sotilgan bo‘lib, bu avvalgi haftaga nisbatan 24,2% ga kamdir. Bunda sotuvlarning 77,9% - birja savdolari; 0,2% - ko‘rgazma-yarmarka savdolari; 21,8% - elektron davlat xaridlari va 0,1% - avtoraqamlarning onlayn-auksioniga to‘g‘ri keldi.
Kichik biznes va xususiy tadbirkorlik subyektlari ishtirokida tuzilgan bitimlarning umumiy hajmi 437,0 mlrd so‘mni tashkil qildi. Davlat xaridlari tizimlarida o‘tkazilgan elektron savdolar natijasida budjet va korporativ buyurtmachilarining qariyb 98,7 mlrd so‘mlik mablag‘lari tejaldi.
Ko‘rib chiqilayotgan davr mobaynida onlayn auksion orqali 973 ta avtoraqamlar sotildi, sotilgan davlat raqam belgilarining umumiy summasi 3,1 mlrd so‘mni tashkil qildi. Raqobatli savdolar natijasida bitimlarning 4,8% birinchi toifadagi avtoraqamlarga; 10,7% ikkinchi; 11,7% uchinchi; 9,9% to‘rtinchi; 21,3% beshinchi va 41,6% oltinchi toifa avtoraqamlarga tegishlidir.
Birja savdolari
Ko‘rib chiqilayotgan davrda ochiq birja savdolari orqali jami 1 614,6 mlrd so‘mlik tovar resurslari sotildi. Sotuvchi korxonalar mahsulotlarni tasdiqlangan jadvallarga rioya qilgan holda birja savdolariga qo‘yishdi, shu jumladan:
Paxta yog‘i
O‘tgan haftada birja savdolariga 5 570,0 tonna paxta yog‘i qo‘yildi va ulardan 1 096,0 tonnasi sotildi. O‘tkazilgan savdolarda har kuni o‘rtacha 45 xaridor ishtirok etdi.
Ko‘rib chiqilayotgan davrda barcha navli paxta yog‘ining kunlik o‘rtacha narxlari mahsulotning bir tonnasi uchun 21 395,8 ming so‘mdan 14 447,9 ming so‘mgacha, ya’ni 32,5% ga pasayganini ta’kidlash lozim.
Ko‘rib chiqilayotgan davrda 1-navli paxta yog‘ining o‘rtacha haftalik kotirovkasi 18 375,4 ming so‘mni tashkil etdi.
Shakar
Hafta davomida birja savdolariga 8 000,0 tonna shakar qo‘yildi va uning butun hajmi, ya’ni 100,0% sotildi. O‘tkazilgan savdolarda har kuni o‘rtacha 278 xaridor ishtirok etdi.
Ko‘rib chiqilayotgan davrda shakarning barcha kategoriyasi bo‘yicha shakllangan kunlik o‘rtacha narxlar mahsulotning bir tonnasi uchun 10 303,0 ming so‘mdan 10 159,8 ming so‘mgacha pasaygan.
O‘tkazilgan birja savdolari natijasida mahalliy shakarning TS-2 – kategoriyasi bo‘yicha shakllangan o‘rtacha haftalik narxi mahsulotni bir tonnasi uchun 10 281,0 ming so‘mni tashkil etdi.
Ko‘mir
O‘tgan haftada birja savdolariga 14 290,0 tonna ko‘mir qo‘yildi va undan 4 070,0 tonnasi, ya’ni 28,5% qismi sotildi. O‘tkazilgan savdolarda har kuni o‘rtacha 8 xaridor ishtirok etdi.
Ko‘rib chiqilayotgan davrda ko‘mirning o‘rtacha kunlik narxi mahsulotning bir tonnasi uchun 416,8 ming so‘mdan 332,8 ming so‘mgacha, ya’ni 20,2% ga pasaydi.
Ko‘rib chiqilayotgan davrda SSSSH – 13 markali ko‘mirning o‘rtacha haftalik kotirovkasi 370,0 ming so‘mni tashkil etdi.
Manbaa: "O'zRTXB" AJ PR bo'limi