O'zbek
Ўзбек
Русский
English
Birjada intellektual mulk yo‘nalishida o‘quv mashg‘uloti o‘tkazildi
O‘zbekiston Respublikasi Prezidentining “Intellektual mulk sohasini yanada rivojlantirishga oid qo‘shimcha chora-tadbirlar to‘g‘risida” 2022 yil 26 apreldagi PQ-221-son qarori bilan 2022 — 2026 yillarda O‘zbekiston Respublikasida intellektual mulk sohasini rivojlantirish strategiyasi va uni amalga oshirish bo‘yicha yo‘l xaritasi, 2022 — 2026 yillarda O‘zbekiston Respublikasida intellektual mulk sohasini rivojlantirishning maqsadli ko‘rsatkichlari (indikatorlari) aniqlab berilgan.
2022 yilning 5 iyul kuni birjaning Markaziy binosida Adliya vazirligi hamda birjaning yuridik bo‘limi ishtirokida birjaning mutaxassislarida intellektual mulk sohasida bilim va ko‘nikmalarini shakllantirish maqsadida o‘quv mashg‘uloti o‘tkazildi.
Mutaxassislar tomonidan Prezident qarori mazmuni, intellektual mulkni ishonchli himoya qilish choralari hamda intellektual mulkni ro‘yxatga olish va uni fuqarolik muomalasiga kiritish tartibi tushuntirib berildi.
O‘quv mashg‘uloti yakunida mutaxassislar tinglovchilarning savollariga javob berishdi.
Manbaa: "O'zRTXB" AJ PR bo'limi