Davlat xaridlari ishtirokchilarining imkoniyatlari kengaymoqda
Davlat xaridlari tizimining shaffofligini ta’minlash, uni yanada takomillashtirish hamda davlat xaridlari jarayoniga tadbirkorlik subyektlarini keng jalb qilish maqsadida O‘zbekiston Respublika tovar-xom ashyo birjasining etender.uzex.uz davlat xaridlari elektron savdo tizimida garovni ta’minlashning yangi tartibi joriy etildi.
Endi savdo ishtirokchilari o’zlarining takliflarini zakalat mablag’lari o’rniga garov yoki kafillik shaklida ta'minlashlari mumkin, bu ishtirokchilar uchun qo’shimcha qulaylik va imkoniyatdir.
Buning uchun davlat buyurtmachisi e’lonni joylashtirishda takliflarni garov yoki kafillik ko‘rinishidagi ta’minot taqdim etish imkoniyatini alohida ko‘rsatadi. Shu bilan birga, ishtirokchilar ushbu garov yoki kafillik bilan bog'liq zarur hujjatlarni taqdim etishlari kerak.
Bundan tashqari, etender.uzex.uz tizimida savdo ishtirokchilari shuningdek, savdo natijalariga ko‘ra shakllantiriladigan dastlabki elektron bayonnomani ikki kun muhokama qilish imkoniyatiga ega bo‘ldilar.
Agar ishtirokchi tomonidan e'tirozlar bo'lmasa, ushbu bayonnoma xarid komissiyasi tomonidan rasmiylashtiriladi. Savdo ishtirokchilaridan e'tirozlar kelib tushgan taqdirda, xarid komissiyasi e'tirozlarni ko'rib chiqadi, tegishli qaror qabul qiladi va elektron bayonnoma rasmiylashtiradi.
Shu bilan birga, ushbu savdo tizimida mijoz va ishtirokchi o'rtasida ochiq elektron chat joriy qilinib, u yetkazib beruvchilar va hujjatlarga qo'yiladigan talablarni aniqlashtirish imkonini beradi.
Davlat xaridlari to‘g‘risidagi e’lon joylangan paytdan boshlab, takliflar taqdim etish muddati tugagunga qadar, ishtirokchilar ochiq elektron chat orqali davlat buyurtmachisiga xabar yuborishlari va o‘z javoblarini olishlari mumkin.
Manbaa: "O'zRTXB" AJ PR bo'limi