Qayta tiklanuvchi energiya manbalarining elektron davlat xaridlari yo‘lga qo‘yildi
O‘zbekiston Respyblikasi Vazirlar Mahkamasining 2022 yil 21 sentyabrdagi 518-son qaroriga muvofiq Davlat buyurtmachilari tomonidan qayta tiklanuvchi energiya manbalarining davlat xaridlarini amalga oshirish maqsadida O‘zbekiston respublika tovar-xom ashyo birjasining davlat xaridlarining etender.uzex.uz elektron savdo tizimida yangi alohida sahifa ishga tushirildi.
Mazkur sahifa mahalliy qayta tiklanuvchi energiya manbalarini ishlab chiqaruvchi tashkilotlar va klaster ishtirokchilari uchun o‘z takliflarini joylashtirish, davlat buyurtmachilari uchun esa eng yaxshi takliflarni tanlash yoki tender natijalariga ko‘ra g‘olibni aniqlash imkonini beradi.
Davlat buyurtmachilari tomonidan etender.uzex.uz – tanlov va tender elektron savdo tizimining “alohida sahifasi”da qayta tiklanuvchi energiya manbalarini xarid qilish bo‘yicha e’lonlar joylashtirilishi boshlandi. Xususan, foto elektrik panelni xarid qilish bo‘yicha Guliston davlat universiteti tomonidan e’lon joylashtirildi.
Ushbu e’lonlar bo‘yicha kelib tushayotgan takliflarning texnik qismi davlat buyurtmachisining xarid komissiyasi tomonidan, narx qismi esa elektron tizim tomonidan avtomatik rejimda baholanib, eng yaxshi taklif bergan ishtirokchi g‘olib deb topiladi.
Manbaa: "O'zRTXB" AJ PR bo'limi