G‘alla bo‘yicha ilk birja savdolari o‘tkazildi
O‘zbekiston Respublikasi Prezidentining 2022 yil 28 maydagi 262-sonli “G‘allani yetishtirish va sotishda bozor tamoyilini joriy etishning qo‘shimcha chora-tadbirlari to‘g‘risida”gi qaroriga asosan 1 iyuldan O‘zbekiston respublika tovar-xom ashyo birjasida g‘alla mahsulotini ochiq birja savdolariga qo‘yish boshlandi.
Savdolarning ilk kuni fermer va klasterlar tomonidan 16 395 tonna g‘alla ochiq birja savdolariga qo‘yildi. Undan 8 007 tonna qismi, ya’ni 48,8% hajmi sotildi. Ta’kidlash kerakki, birjaning bug‘doy bozorida taklif etilgan mahsulot hajmi yetarli bo‘ldi.
O‘tkazilgan birja savdo yakunlariga ko‘ra bug‘doyning o‘rtacha narxi mahsulotning bir tonnasi uchun 3 227,0 ming so‘mni tashkil qildi. Birjada g‘alla bo‘yicha shakllangan kotirovka uning boshlang‘ich narxi (3 041,9 ming so‘m)ga nisbatan 5,7% ga o‘sdi.
Manbaa: "O'zRTXB" AJ PR bo'limi
Boshqa yangiliklar:
- UZEX va UZINFOCOM o‘rtasida o‘zaro hamkorlik memorandumi imzolandi
- UZEX haftalik dayjesti (22 - 28-aprel)
- Buxoroda xorijiy ekspertlar ishtirokida seminar o‘tkazildi
- UZEX haftalik dayjesti (15 - 21-aprel)
- Samarqandda ConFEAS 2024 xalqaro birja anjumani bo‘lib o‘tdi
- Samarqandda MDH XBU umumiy yig‘ilishi bo‘lib o‘tdi