O'zbek
Ўзбек
Русский
English
Birjaning avtoraqam.uzex.uz platformasida 66,3 mlrd so‘mlik avtoraqamlar sotildi
2023-yil yanvar-mart oylarida O‘zbekiston respublika tovar-xom ashyo birjasining avtoraqam.uzex.uz savdo tizimida 66,3 mlrd so‘mlik 16 mingdan ziyod avtoraqamlar shaffof onlayn-auksionlar orqali sotildi.
O‘tkazilgan onlayn-auksionlar natijalariga ko‘ra tuzilgan bitimlarning 92% jismoniy shaxslarga to‘g‘ri kelgan va ushbu bitimlar bo‘yicha to‘lovlar bank kartalari orqali o‘tkazilgan. Shu jumladan, tranzaksiyalarning katta qismi “Uzcard” bank kartalari orqali amalga oshirilgan.
Samarqand viloyatida avtoraqamlarni xarid qilish bo‘yicha salmoqli o‘sish kuzatilgan. Xususan, ushbu viloyatda ro‘yxatdan o‘tgan xaridorlar 9,4 mlrd so‘mlik avtoraqamlarni xarid qilgan va bu o‘tgan yilning mos davriga nisbatan 69%ga ko‘pdir.
Avtoraqamlar bo‘yicha sotuv hajmlarining o‘sishi, shuningdek, Jizzax va Namangan viloyatlarida ham qayd etilgan bo‘lib, ushbu hududlarda jami 5,8 mlrd so‘mlik avtoraqamlar sotilgan.
Xaridorlar orasida birinchi va ikkinchi toifadagi avtoraqamlar eng yuqori talabga ega bo‘lib, ularning sotuvlardagi umumiy ulushi 50%ni tashkil etdi, sotuvlar hajmi esa 32,9 mlrd so‘mdan oshdi.
Manbaa: "O'zRTXB" AJ PR bo'limi