O‘zbekiston birjasi va Singapur kompaniyasi o‘rtasida kelishuv imzolandi
Joriy yilning 16-yanvar kuni O‘zbekiston Respublikasi Prezidentining davlat tashrifi arafasida Singapurda ikki davlat tadbirkorlari o‘rtasidagi ishbilarmonlik aloqalarini har tomonlama mustahkamlashga qaratilgan O‘zbekiston-Singapur biznes-forumi bo‘lib o‘tdi.
Tadbirda savdo, investitsiyalar va moliya yo‘nalishlarida, kimyo, energetika va to‘qimachilik sanoati, sanoat zonalarini rivojlantirish, infratuzilmaviy loyihalarini amalga oshirish va oziq-ovqat mahsulotlari ishlab chiqarish, shuningdek, qurilish, ta’lim, sog‘liqni saqlash va farmatsevtika sohalarida 23 ta shartnoma va bitimlar imzolandi.
Biznes-forum doirasida, shuningdek, O‘zbekiston respublika tovar-xom ashyo birjasi va Singapurning “Krut PTE LTD” kompaniyasi o‘rtasida hamkorlik kelishuvi ham imzolandi.
Mazkur kelishuvda tomonlar birja savdolarida ilg‘or IT-texnologiyalarni joriy etish, zamonaviy birja vositalarini rivojlanitirishda konsalting xizmatlari va axborot almashinuvi sohalarida hamkorlik qilish nazarda tutilgan.
Ma’lumot uchun: “Krut PTE LTD” kompaniyasi 2014-yilda Singapurda tashkil topgan bo‘lib, tovar va fond birjalari, moliyaviy institutlar va tijorat banklariga dasturiy mahsulotlarni ishlab chiqish va texnik konsalting sohalarida xizmat ko‘rsatadi.
Manbaa: "O'zRTXB" AJ PR bo'limi