UZEX haftalik dayjesti (5 – 11-avgust)
![](https://old.uzex.uz/files/news/temp/uzex-weekly-digest-august-5-11_895.jpg)
O‘tgan hafta davomida, yaʼni 5 – 11 avgust kunlari “O‘zbekiston respublika tovar-xom ashyo birjasi” AJning barcha savdo platformalarida 2 647,7 mlrd so‘mlik tovarlar sotilgan bo‘lib, bu avvalgi haftaga nisbatan 5,1% ga ko‘pdir. Bunda tuzilgan bitimlarning qariyb 81,0% birja savdolariga, qolgan 19,0% qismi esa elektron tijorat savdo tizimlariga to‘g‘ri keldi.
Kichik biznes va xususiy tadbirkorlik subyektlari ishtirokida tuzilgan bitimlarning umumiy hajmi 532,8 mlrd so‘mni tashkil qildi. Davlat xaridlari tizimlarida o‘tkazilgan elektron savdolar natijasida byudjet va korporativ buyurtmachilarining qariyb 135,5 mlrd so‘mlik mablag‘lari tejaldi.
Ko‘rib chiqilayotgan davr mobaynida onlayn auksion orqali 4 761 ta avtoraqamlar sotildi, sotilgan davlat raqam belgilarining umumiy summasi 21,8 mlrd so‘mni tashkil qildi.
Birja savdolari
Ko‘rib chiqilayotgan davrda ochiq birja savdolari orqali jami 2 144,4 mlrd so‘mlik tovar resurslari sotildi, shu jumladan:
Bo‘g‘doy
O‘tgan hafta davomida birja savdolari orqali 148 889,0 tonna bo‘g‘doy sotildi. O‘rtacha kunlik sotuv hajmlari 29,8 ming tonnani tashkil qildi.
Ko‘rib chiqilayotgan davrda bo‘g‘doyning barcha markalari bo‘yicha shakllangan kunlik o‘rtacha narxlar mahsulotning bir tonnasi uchun 2 539,1 ming so‘mdan 2 483,3 ming so‘mgacha pasaydi. O‘tkazilgan savdolarda har kuni o‘rtacha 68 ta xaridor ishtirok etdi.
Texnik chigit
Birja savdolarida 4 976,0 tonna texnik chigit sotildi. O‘tkazilgan savdolarda har kuni o‘rtacha 5 ta xaridor ishtirok etdi. O‘rtacha kunlik sotuv hajmlari 995,0 tonnani tashkil qildi.
Ko‘rib chiqilayotgan davrda texnik chigitning kunlik o‘rtacha narxlari mahsulotning bir tonnasi uchun 4 406,7 ming so‘mdan 3 465,5 ming so‘mgacha pasaydi.
Suyultirilgan gaz
O‘tgan haftada birja savdolariga 5 625,0 tonna suyultirilgan gaz qo‘yildi va uning 5 425,0 tonnasi, yaʼni 96,4% qismi sotildi. Suyultirilgan gazning o‘rtacha kunlik sotuv hajmlari 1 085,0 tonnani tashkil qildi.
Ko‘rib chiqilayotgan davrda suyultirilgan gazning shakllangan kunlik o‘rtacha narxlar mahsulotning bir tonnasi uchun 8 021,0 ming so‘mdan 7 931,5 ming so‘mgacha pasaydi. O‘tkazilgan savdolarda har kuni o‘rtacha 246 ta xaridor ishtirok etdi.
Manbaa: "O'zRTXB" AJ PR bo'limi
Boshqa yangiliklar:
- UZEX haftalik dayjesti (5 – 11-avgust)
- Davlat xaridlari bo‘yicha birjaning yangi xizmati ishga tushirildi
- UZEX haftalik dayjesti (29-iyul – 4-avgust)
- Birjada 2024-yil 1-yarim yil yakunlariga bag‘ishlangan matbuot anjumani bo‘lib o‘tdi
- UZEX haftalik dayjesti (22-28-iyul)
- Navoiyda birja faoliyati bo‘yicha media-trening o‘tkazildi