UZEX haftalik dayjesti (26-avgust – 1-sentabr)
![](https://old.uzex.uz/files/news/temp/uzex-weekly-digest-august-26-september-1_771.jpg)
O‘tgan hafta davomida, yaʼni 26-avgust – 1-sentabr kunlari “O‘zbekiston respublika tovar-xom ashyo birjasi” AJning barcha savdo platformalarida 2 865,1 mlrd so‘mlik tovarlar sotilgan bo‘lib, bu avvalgi haftaga nisbatan 18,2% ga ko‘pdir. Bunda tuzilgan bitimlarning qariyb 81,6% birja savdolariga, qolgan 18,4% qismi esa elektron tijorat savdo tizimlariga to‘g‘ri keldi.
Kichik biznes va xususiy tadbirkorlik subyektlari ishtirokida tuzilgan bitimlarning umumiy hajmi 697,0 mlrd so‘mni tashkil qildi. Davlat xaridlari tizimlarida o‘tkazilgan elektron savdolar natijasida byudjet va korporativ buyurtmachilarining qariyb 115,0 mlrd so‘mlik mablag‘lari tejaldi.
Ko‘rib chiqilayotgan davr mobaynida onlayn auksion orqali 4 205 ta avtoraqamlar sotildi, sotilgan davlat raqam belgilarining umumiy summasi 17,4 mlrd so‘mni tashkil qildi.
Birja savdolari
Ko‘rib chiqilayotgan davrda ochiq birja savdolari orqali jami 2 338,1 mlrd so‘mlik tovar resurslari sotildi, shu jumladan:
Sement
O‘tgan haftada birja savdolariga 577 528,0 tonna sement qo‘yildi va uning 187 370,0 tonnasi sotildi. Sementning o‘rtacha kunlik sotuv hajmlari 37 474,0 tonnani tashkil qildi.
Ko‘rib chiqilayotgan davrda sementning shakllangan kunlik o‘rtacha narxlari mahsulotning bir tonnasi uchun 588,8 ming so‘mdan 570,3 ming so‘mgacha pasaydi. O‘tkazilgan savdolarda har kuni o‘rtacha 83 ta xaridor ishtirok etdi.
Shakar
Birja savdolarida 265,0 tonna shakar sotildi. O‘tkazilgan savdolarda har kuni o‘rtacha 6 ta xaridor ishtirok etdi. O‘rtacha kunlik sotuv hajmlari 53,0 tonnani tashkil qildi.
Ko‘rib chiqilayotgan davrda shakarning kunlik o‘rtacha narxlari mahsulotning bir tonnasi uchun 13 260,0 ming so‘mdan 12 504,8 ming so‘mgacha pasaydi.
Bug‘doy
O‘tgan hafta davomida birja savdolari orqali 60 377,0 tonna bug‘doy sotildi. O‘rtacha kunlik sotuv hajmlari 12,1 ming tonnani tashkil qildi.
Ko‘rib chiqilayotgan davrda bug‘doyning barcha markalari bo‘yicha shakllangan kunlik o‘rtacha narxlar mahsulotning bir tonnasi uchun 2 430,4 ming so‘mdan 2 401,6 ming so‘mgacha pasaydi. O‘tkazilgan savdolarda har kuni o‘rtacha 65 ta xaridor ishtirok etdi.
Manbaa: "O'zRTXB" AJ PR bo'limi