Elektron logistika portaliga 5 mingdan ziyod yuk mashinalari jalb qilingan
![](https://old.uzex.uz/files/news/temp/over-5-thousand-trucks-are-involved-in-the-e-logistics-portal_831.jpg)
2023-yilning 2 oyi yakunlariga ko‘ra, O‘zbekiston respublika tovar-xom ashyo birjasining e-logistika.uzex.uz elektron logistika portalida yuk tashish bo‘yicha ko‘rsatilgan xizmatlarning qiymati 2,4 mlrd so‘mdan oshdi va bu o‘tgan yilning mos davriga nisbatan ikki marotabaga ko‘pdir. Shu bilan birga, xaridorlar tomonidan bevosita tashuvchilar bilan tuzilgan to‘g‘ridan-to‘g‘ri shartnomalarning umumiy qiymati 3,0 mlrd so‘mni tashkil qildi.
Ko‘rib chiqilayotgan davrda, yaʼni 2023-yil davomida elektron logistika portalida 400 dan ziyod yuk avtomobillari ro‘yxatga olingan bo‘lib, ularning asosiy qismi (55%) Qashqadaryo, Navoiy va Toshkent viloyatlariga to‘g‘ri keladi.
Eng ko‘p avtotransport vositalaridan “Sho‘rtan GKK” MCHJ, “Navoiyazot” AJ, “Maksam Chirchiq” AJ, “Xonqa don mahsulotlari” AJ, shuningdek “O‘zbekneftgaz” AJ tomonidan ishlab chiqarilgan birja mahsulotlarini tashishda foydalanilgan bo‘lib, ularning umumiy ulushi 93% ni tashkil etdi.
Joriy yilning boshidan buyon portalda jami 5,2 mingdan ziyod turli xil va rusumdagi yuk avtomobillari, shu jumladan “ISUZU”, “Kamaz”, “MAN”, “Zil”, “HOWO”, “Gaz”, “DAF” va “SHACMAN” rusumlaridan foydalanilib, ularning umumiy ulushi 70% ni tashkil etdi. Bunda ularning 26% furgonlar, 16% bortli va 13% ni shatakchi yuk avtomobillari tashkil qilgan. Qolgan 45% esa samosvallar, bortli-tentli, tentli yarim tirkamalar va boshqa turdagi yuk mashinalariga to‘g‘ri kelgan.
Ro‘yxatga olingan barcha yuk mashinalarining eng katta qismi, yaʼni 40% ni 2011-yildan 2020-yilgacha ishlab chiqarilgan yuk mashinalari egallagan. Shu bilan birga, so‘nggi uch yilda ishlab chiqarilgan yuk avtomobillarining ulushi 10% ni tashkil etgan.
Manbaa: "O'zRTXB" AJ PR bo'limi
Boshqa yangiliklar:
- UZEX haftalik dayjesti (19 - 25-avgust)
- UZEX haftalik dayjesti (12 - 18-avgust)
- UZEX haftalik dayjesti (5-11-avgust)
- Davlat xaridlari bo‘yicha birjaning yangi xizmati ishga tushirildi
- UZEX haftalik dayjesti (29-iyul – 4-avgust)
- Birjada 2024-yil 1-yarim yil yakunlariga bag‘ishlangan matbuot anjumani bo‘lib o‘tdi