UZEX haftalik dayjesti (8-14-iyul)
O‘tgan hafta davomida, ya’ni 8-14-iyul kunlari “O‘zbekiston respublika tovar-xom ashyo birjasi” AJning barcha savdo platformalarida 3 821,4 mlrd so‘mlik tovarlar sotilgan bo‘lib, bu avvalgi haftaga nisbatan 43,1% ga ko‘pdir. Bunda tuzilgan bitimlarning qariyb 44,4% birja savdolariga, qolgan 55,6% qismi esa elektron tijorat savdo tizimlariga to‘g‘ri keldi.
Kichik biznes va xususiy tadbirkorlik sub’ektlari ishtirokida tuzilgan bitimlarning umumiy hajmi 535,8 mlrd so‘mni tashkil qildi. Davlat xaridlari tizimlarida o‘tkazilgan elektron savdolar natijasida byudjet va korporativ buyurtmachilarining qariyb 141,7 mlrd so‘mlik mablag‘lari tejaldi.
Ko‘rib chiqilayotgan davr mobaynida onlayn auksion orqali 3 702 ta avtoraqamlar sotildi, sotilgan davlat raqam belgilarining umumiy summasi 16,2 mlrd so‘mni tashkil qildi.
Birja savdolari
Ko‘rib chiqilayotgan davrda ochiq birja savdolari orqali jami 1 696,4 mlrd so‘mlik tovar resurslari sotildi, shu jumladan:
Un
Birja savdolariga 45 307,0 tonna un qo‘yildi va uning 5 867,0 tonnasi, ya’ni 12,9% qismi sotildi. O‘tkazilgan savdolarda har kuni o‘rtacha 108 ta xaridor ishtirok etdi.
Ko‘rib chiqilayotgan davrda 1-navli un bo‘yicha shakllangan kunlik o‘rtacha narxlar mahsulotning bir tonnasi uchun 4 078,0 ming so‘mdan 4 013,0 ming so‘mgacha pasaydi. Unning o‘rtacha kunlik sotuv hajmi 1 173,0 tonnani tashkil qildi.
Polietilen
O‘tgan haftada birja savdolariga 2 830,0 tonna polietilen qo‘yildi va uning 2 790,0 tonnasi, ya’ni 98,6% qismi sotildi. Polietilenning o‘rtacha kunlik sotuv hajmlari 558,0 tonnani tashkil qildi.
Ko‘rib chiqilayotgan davrda polietilenning barcha markalari bo‘yicha shakllangan kunlik o‘rtacha narxlar mahsulotning bir tonnasi uchun 14 767,7 ming so‘mdan 14 639,3 ming so‘mgacha pasaydi. O‘tkazilgan savdolarda har kuni o‘rtacha 65 ta xaridor ishtirok etdi.
Ammoniy sulfat
O‘tgan hafta mobaynida birja savdolarida 8 073,0 tonna ammoniy sulfat sotildi. Ammoniy sulfatning o‘rtacha kunlik sotuv hajmlari 1 615,0 tonnani tashkil qildi.
Ko‘rib chiqilayotgan davrda ammoniy sulfat bo‘yicha shakllangan kunlik o‘rtacha narxlar mahsulotning bir tonnasi uchun 2 163,6 ming so‘mdan 2 159,0 ming so‘mgacha pasaydi. Birja savdolarida har kuni o‘rtacha 106 nafar xaridor ishtirok etdi.
Manbaa: "O'zRTXB" AJ PR bo'limi
Boshqa yangiliklar:
- UZEX haftalik dayjesti (9-15-sentabr)
- Paxta xomashyosining birja savdolariga doir Vazirlar Mahkamasining qarori qabul qilindi
- Tovar xom-ashyo birjalar faoliyatiga doir Vazirlar Mahkamasining qarori qabul qilindi
- PAXTA SEKSIYASI
- Birjaning suyultirilgan gaz bozorida taklif hajmi o‘sdi
- Birjaning avtoraqam.uzex.uz savdo tizimida yangi qulaylik joriy etildi