HURMATLI AKSIYADORLAR!

 

“O‘zRTXB” AJ aksiyadorlariga 2024-yil 7-iyun kuni soat 11:00da aksiyadorlarning navbatdan tashqari umumiy yig‘ilishi o‘tkazilishini ma’lum qiladi.

Aksiyadorlarning umumiy yig‘ilishi masofadan turib internet tarmog‘ida onlayn rejimda aksiyadorlar umumiy yig‘ilishlarini  o‘tkazishga mo‘ljallangan “Elektron ovoz berish - eVOTE” (http://evote.uz/) elektron ovoz berish servisi orqali o‘tkaziladi.

Aksiyadorlarning navbatdan tashqari umumiy yig‘ilishida ishtirok etuvchi “O‘zRTXB”AJ aksiyadorlari reyestrini shakllantirish kuni: 2024-yil 3-iyun.

 

Kun tartibi:

 

1. “O‘zRTXB” AJ aksiyadorlari umumiy yig‘ilishining reglamentini tasdiqlash.

2. Sanoq komissiyasi a’zolarining soni va shaxsiy tarkibini, hamda ularning vakolat muddatlarini tasdiqlash.

3. “O‘zRTXB” AJ affillangan shaxsi bilan bitimlarni O‘zbekiston Respublikasi Davlat aktivlarini boshqarish agentligining quyidagi xatlaridan kelib chiqib ma’qullash to‘g‘risida:

- “Biznes Daily Media” MChJ nashriyot uyi ustav kapitalidagi “O‘zRTXB” AJ ulushini Davlat aktivlarini boshqarish agentligiga o‘tkazish to‘g‘risidagi 2024-yil 13-apreldagi 03/08-1-17/1430-sonli  xat;

- “O‘zRTXB” AJ ga tegishli bo’lgan ko‘chmas mulkni Davlat aktivlarini boshqarish agentligiga o‘tkazish to‘g‘risidagi 2024-yil 3-maydagi 02/09-2-17/1376-sonli xat.

 

Aksiyadorlarning umumiy yig‘ilishida ko‘rib chiqiladigan materiallar bilan aksiyadorlar Toshkent shahar, Yakkasaroy tumani, Bobur ko‘chasi 77-uyda joylashgan Birja binosida,
2024-yil 27-may boshlab aksiyadorlarning navbatdan tashqari umumiy yig‘ilishi o‘tkaziladigan kunga qadar ish kunlari soat 10-00 dan 16-00 gacha tanishib chiqishlari mumkin.

Aksiyadorlar http://evote.uz/ internet saytining elektron ovoz berish servisi orqali yig‘ilishda ishtirok etish huquqiga ega bo‘lgan aksiyadorlar ro‘yxatiga kiritilganligi haqida elektron xabar olgan vaqtdan boshlab Aksiyadorlarning umumiy yig‘ilishida ishtirok etuvchi aksiyadorlar sifatida ro‘yxatdan o‘tkazilgan deb hisoblanadi.

Aksiyadorlarning navbatdan tashqari umumiy yig‘ilishida elektron ovoz berish servisi orqali ishtirok etish qoidalari (shartlari) bilan http://evote.uz/ saytida tanishib chiqishingizni so‘raymiz.

Aksiyadorlarning umumiy yig‘ilishida ishtirok etish va ushbu yig‘ilishda ko‘rib chiqiladigan materiallar bilan tanishish yuzasidan savollar bo‘yicha (71) 207-00-33 (ichki:1045) telefon raqami orqali murojaat qilishingizni so‘raymiz.

Aksiyadorlar o‘z murojaatlarini quyidagi elektron manzillarga yuborishlari mumkin: info@rtsb.uz.