“UNITEL” МЧЖ (Beeline) Ўзбекистон республика товар-хомашё биржаси (“ЎзРТХБ” АЖ) www.mobilraqam.uzex.uz савдо тизими орқали пуллик тоифадаги мобиль рақамларни сотишни бошлади.

Мазкур лойиҳа “ЎзРТХБ” АЖ ва “UNITEL” МЧЖ (Beeline) ўртасида Ўзбекистон Республикаси Вазирлар Маҳкамасининг 2016 йил 2 августдаги № 249 – сон қарорига мувофиқ тузилган келишув доирасида амалга оширилмоқда.

Мобиль телефон рақамларини сотувга қуйилиши Сотувчи, яъни “UNITEL” МЧЖ (Beeline) уяли алоқа оператори томонидан “ЎзРТХБ” АЖнинг ахборот тизимидаги шахсий кабинет орқали амалга оширилади. Аукцион онлайн-режимда бошланғич нархларни кўтарилиш тартибида ўтказилади.

Иштирокчилар онлайн-аукционда қатнашиш учун www.mobilraqam.uzex.uz вебсайтида онлайн рўйхатдан ўтишлари ва гаров маблағларини киритишлари керак.

www.mobilraqam.uzex.uz савдо платформаси биржанинг B2B ва B2C электрон тижорат модели бўлиб, бу Ўзбекистондаги уяли алоқа операторларининг талаб юқори бўлган мобиль рақамларидан фойдаланиш имкониятларини кенгайтиришга имкон беради. Биржадаги барча электрон савдолар ва онлайн-аукционлар ошкоралик, шаффофлик, соғлом рақобат ва барча савдо иштирокчилари учун тенг шароитларни яратиш тамойилларига асосланган.

Онлайн-аукционда иштирок этиш масалалари юзасидан қўшимча маълумот учун, UZEX биржасининг Call-марказига (+71) 207-00-33 телефон рақами ёки @uzexfeedbackbot телеграм боти орқали мурожаат қилишингиз мумкин.

Manbaa: "O'zRTXB" AJ PR bo'limi