Электрон ҳукумат

“Электрон ҳукумат” тизимида иштирок этишга оид тадбирлар

Ўзбекистон республика товар хомашё биржаси (ЎзРТХБ) биржа, ярмарка савдолари, ҳамда давлат ва корпоратив харидлар бўйича аукционларни ташкил этилишини таъминлайди. Ўз фаолиятини юритишда, биржа ҳар томонлама ахборот-коммуникация технологияларини қўллайди ва АКТ ривожлантириш соҳасидаги меьёрий-ҳуқуқий актларни ижросини таъминлайди.

2016 йилнинг 9 ойлиги
 
ЎзРТХБда қуйидаги тадбирлар амалга оширилди:
 
Биржанинг барча платформаларидаги жараёнлар электрон тарзда амалга оширилди. Шунингдек, ЎзРТХБ да ахборот – коммуникацион технологияларини янада ривожлантириш учун 4 савдо тизимида модернизациялаш амалга оширилиб, тегишли патентга эга бўлдилар.
 
2016 йилнинг 1 март санасидан бошлаб “ЎзРТХБ” АЖ да биржа ва республикамиздаги маҳаллий ҳокимиятлар ўртасида маълумотлар алмашинувини амалга оширувчи янги электрон модуль ишга туширилди. Биржанинг мазкур дастурий таъминоти биржанинг улгуржи савдоларида қатнашиш ҳуқуқига эга бўлган ташкилотларнинг маълумотларини биржада тузилган битимлар реестрлари билан солиштириш имконини беради.
 
Жумладан, тегишли гувоҳномаларга эга ташкилотлар ҳақидаги ахборотлар биржанинг маълумотлар базаси билан мунтазам равишда автоматик тарзда синхронлаштирилади.
 
Давлат ва корпоратив харидлар тизимида шахсий кабинетлар такомиллаштирилди, Уларда электрон калькулятор функцияси жорий этилди.
 
Ўзбекистон Республикаси Президентининг 2012 йил 21 мартдаги № ПП-1730 сонли қарорига мувофиқ, биржанинг расмий сайтида 20 дан ошиқ интерактив хизматлар жорий этилган.
 
Биржанинг расмий вебсайтида "Ҳуқуқий маслаҳат" интерактив хизмати жорий этилди. Унда энг кўп сўраладиган саволларга жавоблар жойлаштирилган.
 
Биржа электрон ҳукумат тизимининг бир қисми сифатида ягона интерактив хизматлар порталида “ Бўш иш ўринлари “, “ Фуқаролар мурожаати “, “ Фуқаролар қабули “, “ Тезкор боғланиш” каби интерактив хизматлар йўлга қўйилган.
 
“Ягона интерактив давлат хизматлари портали “ нинг Тадбиркорлик бўлимида қуйидаги хизматлар бириктирилди:
 
Давлат харидлари бўйича амалдаги лотлар.
 
Лот тўғрисида фикрлар.
 
Лот якунланиши тўғрисида ахборот.
 
Шикоятлар тўғрисида ахборот.
 
Нархлар бюллетени.
 
Электрон каталогда жойлаштирилган оферталар.
 
Электрон каталогда жойлаштирилган товарлар.
 
Электрон катлогда нархлар сўрови.
 
Тадбиркорлар учун онлайн-маслаҳатчи.
 
Вазирлик, идоралар, хўжалик бирлашмалари ва тадбиркорлик субъектлари учун 2013 – 2020 йилларда Ўзбекистон Республикаси Миллий ахборот-коммуникация тизимини ривожлантириш комплекс дастури доирасида ишлаб чиқарилаётган ЎзРТХБ ахборот тизимлари, шу жумладан “Харид” ахборот тизимидан бепул фойдаланиш имкони тақдим этилди.
 
Ўзбекистон Республикаси Вазирлар Маҳкамасининг 2013 йил 31 декабрдаги 355-сонли “Ўзбекистон Республикасида ахборот-коммуникация технологияларини ривожлантириш ҳолатини баҳолаш тизимини жорий этиш чора-тадбирлари тўғрисида”ги қарори талабларига мувофиқлаштириш учун ЎзРТХБ расмий сайти www.uzex.uz ни мунтазам равишда такомиллаштириш ишлари таъминланмоқда.
Ўзбекистон Республикаси Вазирлар Маҳкамаси Президиумининг 2014 йилнинг 20 октябрдаги 56-сонли йиғилиш баённомасининг 6 бандини бажариш мақсадида “ЎзРТХБ” АЖнинг марказий аппарати ходимларидан 19 нафари ва филиал директорлари “Ижро интизоми” идоралараро оператив тизимига боғланди.
 
Ўзбекистон Республикаси ВМ нинг 2015 йил 7 августдаги 232- сонли “Очиқ маълумотлар тақдим этилиши ҳисобга олинган ҳолда интернет тармоғида Ўзбекистон Республикасининг ҳукумат порталини янада такомиллаштириш чора – тадбирлари тўғрисида “ги қарори ҳамда 2015 йил 10 августдаги назорат режаси ижросини таъминлаш мақсадида ЎзРТХБ нинг очиқ маълумотлар тўплами шакллантирилди ва мунтазам равишда янгиланиб борилди.